Rafmagnslína féll á bíl á Hvolsvelli í morgun en sem betur fer urðu engin slys á fólki. Í tilkynningu frá almannavarnadeild ríkislögreglustjóra kemur fram að rafmagnslaust sé víða á landinu og virðist það fylgja óveðrinu sem nú gengur yfir. Rafmagnslaust er aðallega á Suðurlandi en rafmagnsleysið færist vestur um. Þá segir í tilkynningunni að línur séu að falla og samsláttur á nokkrum stöðum. Loks er þess getið að víða séu truflanir í farsímakerfinu.