Hver verður niðurstaðan ef maður blandar saman áhuga ungs fólks á tölvuleikjaspili, áhuga þeirra á að fá leiðbeiningar á samfélagsmiðlum og frá áhrifavöldum? Þá færðu til dæmis PewDiePie. Hann heitir réttu nafni Felix Kjellberg og er þrítugur Svíi. Hann er sá einstaklingur sem fær flest áhorf á myndbönd sín á YouTube. Á síðasta ári fengu myndbönd hans 4,5 milljarða áhorfa.

Þetta þýðir að mati Forbes að hann hafi þénað sem nemur rúmlega tveimur milljörðum íslenskra króna á myndböndunum sínum á YouTube. Tyle „Ninja“ Blevins þénar meira á tölvuleikjaspili og tengdum viðskiptum en fær ekki eins mörg áhorf og Kjellberg.

Það er mikill áhugi á því að fylgjast með tölvuleikjaspilurum og áhrifavöldum eins og þeim. Á síðasta ári þénuðu þeir 10 vinsælustu sem svarar til tæplega 20 milljarða íslenskra króna á þessu.

Kjellberg ólst upp í Gautaborg. Hann byrjaði að birta tölvuleikjamyndbönd á YouTube fyrir 10 árum undir nafninu PewDiePie. Þremur árum síðar hafði hann náð þeim áfanga að YouTuberásin hans var með flesta áskrifendur allra YouTuberása. Hann hefur náð að halda sér á toppnum síðan þrátt fyrir ásakanir um að hann sé gyðingahatari og hafi birt efni sem misbýður fólki.