Jón Daði Böðvarsson, leikmaður Millwall, var í ítarlegu viðtali við the Telegraph í vikunni.

Jón spilar fyrir Millwall í dag sem er stór klúbbur á Englandi – hann var áður hjá bæði Reading og Wolves.

Í viðtalinu ræddi Jón á meðal annars um frægan sigur Íslands á Englandi á EM 2016 í 16-liða úrslitum.

Það er leikur sem landsliðsmaðurinn getur horft á aftur og aftur en Ísland sló England út, 2-1 í Frakklandi.

,,Ég verð að brosa aðeins. Af og til þá fer ég á YouTube til að horfa á það helsta úr leiknum,“ sagði Jón Daði.

,,Ég horfi á hann aftur. Ég elska að sjá viðbrögð stuðningsmanna Englands og myndbönd af fólki bregðast við. Þetta er súrrealískt, í alvöru.“