Það varð uppi fótur og fit þegar að aðili innan Reddit-samfélagsins deildi mynd af pítsu frá dönskum pítsustað á miðlinum. Hiti færðist í leikana þegar að myndin leitaði á Twitter.
Um er að ræða mynd af pítsu með ávextinum kiwi. Svo virðist sem það sé einnig skinka og ostur á pítsunni. Þessi pítsa hefur vakið upp hörð viðbrögð, jafnvel harðari en þau við pítsu með ananas, sem lengi hefur verið umdeild. Kenna netverjar ananaspítsunni um tilvist kiwipítsunnar.
I have can now say I have witnessed hell@DaddyWarpig pic.twitter.com/WjC48p9Y3U
— Ranba_Ral (@Ranba_Ral) January 12, 2020
„Þeir sögðu að þeir yrðu ánægðir með ananas. Ég sagði ykkur að þetta væri upphafið af endinum,“ tístir einn. „Vegurinn til helvítis byrjar einhvers staðar, ég kenni ananas á pítsu um. Það er aldrei nóg, hinir frjálslyndu taka allt of langt,“ tístir annar. „Ég trúi því ekki að ég hafi fundið eitthvað verra en ananas á pítsu,“ skrifar svo enn annar.
Aðrir taka dýpra í árina og líkja kiwipítsunni við stríðsglæp.
„Nú þurfum við að hafa upp á þeim sem er ábyrgur og blása lífi í Nuremberg-réttarhöldin til að dæma þá,“ skrifar einn og annar tístir: „Þú mátt fara til helvítis! Farðu til helvítis og deyðu núna!!!!!“
Þessum er síðan einnig heitt í hamsi og skrifar einfaldlega:
„Antíkristurinn er mættur og hann pantaði þessa pítsu.“
Hvað segja lesendur DV – mynduð þið fá ykkur pítsu með kiwi?
