Kaupandinn er fyrirtækið Kiyomura en það rekur sushiveitingastaðakeðjuna Sushi Zanmai. Kiyoshi Kimura, forstjóri fyrirtækisins, segir að þetta hafi verið dýrt en hann vilji að viðskiptavinir keðjunnar fái besta túnfiskinn sem völ er á.
Fiskurinn veiddist í Oma sem er við norðurenda Honshu, sem er aðaleyja Japan, en þar er einn besti staðurinn til fiskveiða.
Á síðasta ári greiddi Kiyomura 333,6 milljónir jena, sem svarar til um 385 milljóna íslenskra króna, fyrir 278 kílóa túnfisk. Það er hæsta verð sem hefur verið greitt fyrir túnfisk í Japan.
