Liverpool er að leiða kapphlaupið um Jadon Sancho, kantmann Dortmund samkvæmt frétt The Athletic um málið í dag.
Sancho er 19 ára gamall enskur kantmaður sem slegið hefur í gegn hjá Dortmund en vill fara.
Chelsea og Manchester United hafa áhuga, The Athletic heldur því fram að Liverpool leiði kapphlaupið.
Hann hefur skorað tíu mörk og lagt upp ellefu mörk á þessu tímabili. Í fyrra skoraði hann 12 mörk og lagði upp 17 mörk.
Hann er til sölu fyrir um 120 milljónir punda og fer að öllum líkindum næsta sumar.
