Start mun spila í efstu deild Noregs á næsta tímabili eftir svakalegan leik við Lillestrom í gær. Um var að ræða seinn leik liðanna sem fór fram á heimavelli Lillestrom. Start vann fyrri leikinn 2-1 heima.

Það leit allt út fyrir að Lillestrom myndi halda sæti sínu í efstu deild og að Start yrði áfram í B-deildinni. Staðan var 4-0 fyrir Lillestrom þegar 60 mínútur voru komnar á klukkuna en þá datt Martin Ramsland í gírinn. Ramsland skjoraði þrennu á aðeins sex mínútum og tryggði þar með Start sæti í efstu deild á mörkum skoruðum á útivelli.

Aron Sigurðarson spilaði allan leikinn fyrir Start en liðið er þjálfað af Jóhannesi Harðarsyni.

Arnór Smárason lék lokamínúturnar fyrir Lillestrom sem er fallið en Arnór og félagar þurfti lögreglufylgd eftir leik. Stuðningsmenn Lilleström voru gjörsamlega brjálaðir, liðið fallið um deild.

Liðsfélagi Arnórs var í sárum eftir leik og grét þegar hann gekk af velli, hann hallaði sér að öryggisverði og grét á öxl hans.

Myndband af þessum látum eftir leik má sjá hér að neðan.