Að minnsta kosti 7,1 milljónir tonna af plasti enda árlega í hinum stóru hafstraumum heimshafanna. En ekki er vitað hvað verður um allt örplastið sem lendir í sjónum. Nú ætla vísindamenn að rannsaka hversu skaðlegt örplast er fyrir dýrin í Norður-Atlantshafi og fyrir umhverfið í heild og hversu mikið er af því.

Það er evrópska rannsóknarverkefnið „Hotmic“ sem mun snúast um þetta. Rannskað verður hvort örplast berist um hafið með örverum eða sjávardýrum. Til dæmis gæti lítið dýr innbyrt svona agnir og síðan losað sig við þær með hægðum sem sökkva svo dýpra. En einnig getur verið að örverur dafni vel á yfirborði örplasts þannig að það verði þyngra og komist ekki eins hátt upp í sjónum.

Frá 1950 hafa um 8.300 milljónir tonna verið framleiddar af plasti. 4.900 milljón tonn hafa endað sem rusl. Það er því ekki vitað hversu mikið plast endar í umhverfinu.

Talið er að 20 prósent af öllu því plasti sem er nú í heimshöfunum sé í Norður-Atlantshafi, mest er á mili Azoreyja og Bermúda. Þarna er aðallega um poka, flöskur og net að ræða. En einnig er örplast á reki í sjónum. Það er svo lítið að það sést ekki og getur það ógnað lífríki sjávar.