Á húðflúrsstofunni Southside Tattoo í Baltimore, Maryland, getur fólk látið hylja rasísk og klíkutengd húðflúr. Dave Cutlip eigandi stofunnar gerir „cover up“ yfir húðflúrin án endurgjalds.
„Þetta byrjaði þegar einhver kom inn og bað mig um að fjarlægja klíkuhúðflúr af andlitinu hans. Ég gat séð að hann fann til. En að vera alveg hreinskilinn þá gat ég ekki hjálpað honum,“
sagði Dave við GOOD. Eftir að hafa átt langar samræður við manninn þá hreyfði saga hans við Dave. Maðurinn fór frá því að vera klíkumeðlimur í fangelsi yfir í að verða „afkastamikill meðlimur samfélagsins“ með vinnu, eiginkonu og börn. Eiginkona Dave tók hann þá til hliðar og sagði við hann að hann gæti hjálpað fólki.
Það var þá þegar þau ákváðu að setja inn færslu á GoFundMe þar sem þau báðu fólk um að gefa pening til styrktar „cover up“ á klíkutengdum og rasískum húðflúrum, þar sem margir hafa ekki efni á því sjálfir. Viðbrögðin létu ekki á sér standa og komu Dave á óvart. Hugmyndin hans fór um allt Internetið og nú hefur Dave þegar hjálpað fullt af fólki. Hann vonast til þess að opna fleiri stofur um heiminn.
„Fjölmiðlar hafa spurt mig hvað er eftirminnilegasta fjarlægingin sem ég hef unnið að. Ef ég á að vera hreinskilinn þá eru þau öll eftirminnileg. Allt þetta fólk, ég trúi ekki að þau voru rasistar til að byrja með. Ég trúi því að þau þurftu að lifa af á staðnum sem þau voru á á þessum tíma í þeirra lífi.“
