Hún hringdi í neyðarlínuna og þegar svarað var sagðist hún ætla að panta pizzu. Sky skýrir frá þessu. Neyðarvörðurinn taldi í fyrstu að hún hefði hringt í vitlaust númer. Það var Tim Teneyck sem varð fyrir svörum hjá neyðarlínunni. Hann sagði henni fyrst að hún hefði hringt í skakkt númer, hér væru ekki afgreiddar pizzur. En hún gafst ekki upp og hélt pizzupöntun sinni áfram og þá áttaði Teneyck sig á alvöru málsins.
„Ég skil þig núna. Er maðurinn en í húsinu?“ Spurði hann.
„Já, ég þarf stóra pizzu.“ Svaraði stúlkan.
Hann spurði hana þvínæst hvort þörf væri á læknisaðstoð.
„Nei, með pepperoni.“ Svaraði stúlkan.
Því næst sagði Teneyck að hann myndi senda lögreglumenn á vettvang. Árásarmaðurinn var handtekinn og ákærður fyrir líkamsárás.
Teneyck segir að það hafi verið 14 ára reynsla hans sem neyðarvörður sem gerði að verkum að hann skildi alvöru málsins.
„Ég áttaði mig á þessu því hún hélt sig fast við pizzupöntunina.“
NBC hefur eftir Micheal Navarre, lögreglustjóra, að á 42 ára starfsferli hafi hann aldrei heyrt um neitt þessu líkt og vonast til að aðrir geti notað þessa aðferð eða svipaðar ef þeir þarfnast aðstoðar.