Ágúst Ólafur Ágústsson, þingmaður Samfylkingarinnar, er afar ósáttur við að tillaga hans um aukið framlag til SÁÁ hafi verið felld. Ágúst Ólafur skrifar færslu um þetta á Facebook og deilir bút úr ræðu sinni um málið á Alþingi. Hann skrifar:

„Þessa tillaga fjallar um örlitla (í skilningi ríkisfjármála) viðbót til SÁÁ sem er nú að kljást við sína lengstu biðlista í sögu sinni. Því er að bæta að ég er viss um þessir sömu stjórnmálamenn sem felldu þessa tillögu í vikunni munu koma á opna fundi hjá SÁÁ rétt fyrir næstu kosningar og segjast vilja gera allt fyrir samtökin.

Ég hvet fólk á þessum fallega laugardegi til að hlusta hér á að neðan en ég minni á að á 10 daga fresti deyr Íslendingur úr ofneyslu lyfja og annar Íslendingur fremur sjálfsvíg, einnig á 10 daga fresti, allt árið um kring.“

Þess má geta að sjálfur fór Ágúst Ólafur í áfengismeðferð í kjölfar þess að hann var sakaður um óviðeigandi hegðun við Báru Huldu Beck, blaðamann Kjarnans. Baðst hann afsökunar á framkomu sinni og tók sér nokkurra mánaða hlé frá þingmennsku.