Instagram-síðan Fávitar, sem er átak gegn kynferðisofbeldi, var að deila skjáskoti af skilaboðum sem stúlka fékk í kjölfar árásar.

„Hún varð fyrir grófu ofbeldi. Svo fékk hún þessi skilaboð send. Þetta er raunveruleikinn,“ er skrifað með færslunni.

„Þyrftu fleiri sjálfselskandi tíkur einsog þú að vera buffaðar í spað. Og til hamingju, þú fékkst athygli,“ stendur í skilaboðunum.

https://www.instagram.com/p/B4cmgGOgS7l/

Fjöldi fólks hefur brugðist við færslunni og tjáð reiði sína við skilaboðunum.

„Þyrfti að nafngreina svona lið,“ skrifar einn netverji.

„Er ekki allt í björtu? Hvað fær fólk til að segja slíkan viðbjóð,“ skrifar annar.

„Hversu sorglegt að sjá þetta. Hvað fær fólk til að skrifa svona? Er það slæm æska? Ofbeldi og útskúfun? Fáfræði og áróður einhvers konar? Gróft klám? Nei maður spyr sig. Enginn fæðist með svona skoðanir. Þetta er lærð hegðun,“ segir einn fylgjandi Fávita.

Það eru hins vegar ekki allir á þeirri skoðun að þessi skilaboð séu ógeðfelld, heldur skrifar Jón Páll nokkur:

Nokkrir svara honum og segja meðal annars: „Djöfull ertu veikur.“

Reglulega er skjáskotum af samskiptum deilt á síðuna. Eins og hér að neðan má sjá hvernig drengur brást við þegar hann fékk ekkert svar frá stelpu.

https://www.instagram.com/p/B4FvfyBgt6w/

Eða frá þessum karlmanni sem vildi „kynnast“ konu.

https://www.instagram.com/p/B3mq5iMgnHp/

Sólborg Guðbrandsdóttir, stofnandi og umsjónamaður Fávita, var tilnefnd sem framúrskarandi ungur Íslendingur fyrir framlag sitt til barna, heimsfriðar og/eða mannréttinda.