Lionel Messi, leikmaður Barcelona, viðurkennir að sumir vilji ekki fá Neymar aftur til félagsins.

Neymar var á óskalista Barcelona í sumar en liðinu tókst ekki að tryggja hans þjónustu frá Paris Saint-Germain.

PSG keypti Neymar á 200 milljónir punda fyrir tveimur árum en hann var áður mikilvægur hlekkur í liði Börsunga.

,,Það er erfitt að fá hann til baka. Í fyrsta lagi því það var erfitt að sjá hann fara og í öðru lagi vegna hvernig hann fór,“ sagði Messi.

,,Það eru meðlimir félagsins og fólk sem vilja ekki fá hann aftur. Ef þetta tengdist bara íþróttum þá er Neymar einn sá besti í heiminum.“