Það er óviðjafnanlega stórkostlegur árangur hjá Víkingi Heiðari Ólafssyni að vera valinn listamaður ársins hjá Grammophone. Eins og bent hefur verið á er þetta líkast því að vinna Óskarsverðlaun í kvikmynum eða Evrópukeppni í fótbolta. Þetta sýnir að Víkingur hefur allt til að bera til að vera tónlistarmaður í fremstu röð – tónlistarhæfileikana, dugnað og þrautseigju, gáfur, brennandi áhuga, hugmyndaauðgi.

Gaman er að skoða listann yfir tónlistarmenn sem hafa hlotið þessa viðurkenningu undanfarin ár. Það er ekkert smá gallerí af stórkostlegum listamönnum. Magnús Lyngdal Magnússon tók saman listann og birti á síðunni Rabb um klassíska tónlist. Við sjáum þarna Luciano Pavarotti, Simon Rattle, Yo-Yo Ma, Mörtu Argerich, Maxim Vengerov, Hilary Hahn, Gustavo Dudamel, Danil Trifonov og Vasily Petrenko.

Þetta er algjört draumalið.