Ólafur Jóhannesson, fyrrum þjálfari Vals, hefur hafnað því að taka við þjálfarastarfi Fylkis.

Þetta kemur fram á Fótbolti.net í kvöld en Ólafur hefur undanfarin fimm ár þjálfað lið Vals með góðum árangri.

Hann fékk þó ekki nýjan samning eftir slæmt gengi í sumar og er Heimir Guðjónsson tekinn við á Hlíðarenda.

Fótbolti.net segir að Fylkir hafi haft samband við Ólaf en hann þakkaði boðið og hafnaði því.

Helgi Sigurðsson þjálfaði Fylki í sumar en hann er nú orðinn nýr þjálfari ÍBV.

Davíð Snorri Jónasson er ofarlega á óskalista Fylkis sem tókst að halda sæti sínu í efstu deild.