Ása Hulda er 26 ára viðskiptafræðingur, módel fitnesskeppandi og CrossFittari. Hún hefur brennandi áhuga á öllu sem tengist hreyfingu og heilbrigðum lífsstíl. Hún heldur úti vinsælli Instagram-síðu og bloggar á Lady.is.
Síðastliðið ár hefur henni tekist að stækka rassinn sinn, eða réttara sagt rassvöðvana. En hvernig fór hún að því?
„Ég hef verið að stunda CrossFit í bland við Buttlift, ásamt því að gera mínar eigin rassaæfingar og hjólreiðar hefur klárlega skilað sér. Ég er óhrædd við að lyfta þungt og taka þungar hnébeygjur og fótaæfingar, en ég er líka að taka léttari æfingar og fleiri endurtekningar,“ segir Ása Hulda í færslu á Instagram.
„Uppáhaldsæfingarnar mínar eru hnébeygjur, hip thrusts, romanian deadlift og standandi hip abduction,“ segir Ása Hulda.
Ása aðhyllist ekkert eitthvað eitt ákveðið mataræði, heldur einbeitir hún sér að því að borða hollan og góðan mat.
„Það eru engar öfgar í mataræðinu mínu. Bara hollur og góður matur, og nóg af honum! Alls ekki vera hræddar við að borða nóg yfir daginn. Það er nauðsynlegt ef þið viljið byggja ykkur upp.“
Ása Hulda er dugleg að sýna frá mataræði sínu og ýmsu öðru sem tengist hreyfingu og heilsu á Instagram @asahulda.