Gibson Miller, 24 ára, tók eftir litlum bleikum blett undir vinstra auga sínu í ágúst 2018. Hún hélt að þetta væri saklaus bóla og pældi ekkert meira í því.
En hún byrjaði að hafa áhyggjur þegar bólan var enn á sama stað nokkrum mánuðum seinna.
Hún fór til húðlæknis sem pantaði tíma fyrir hana í vefjasýnistöku. Á innan við viku var hún greind með tegund af húðkrabbameini sem kallast basal cell carcinoma (BCC).
Læknar sögðu Gibson að hún þyrfti að fara í tvær aðgerðir. Eina til að fjarlægja krabbameinið og annað til að byggja upp aftur vefinn í kringum auga hennar.
Þetta er algengur staður til að fá BCC þar sem fólk gleymir oft, eða sleppir, að setja þarna á sig sólarvörn.
Gibson segist hafa eytt miklum tíma úti síðan hún var barn. Hún viðurkennir að nota stundum sólarvörn en ekki reglulega og er sjaldan með hatt eða sólgleraugu.
Eftir að hafa verið greind með húðkrabbamein skoðaði Gibson gamlar myndir af sér og áttaði sig á því að hún hafði verið með þennan blett undir auganu í þrjú ár áður en hún tók eftir honum.
Hún er nú að jafna sig eftir aðgerð og segist ætla að passa sig núna að nota alltaf sólarvörn.
