71 mál voru skráð hjá lögreglunni á höfuðborgarsvæðinu frá því klukkan fimm í gærkvöldi til fimm í morgun.

Tilkynnt var rum tvö umferðaróhöpp í miðbænum í gær. Ekki urðu slys á fólki en bifreið varð fyrir umtalsverðu tjóni í öðru slysinu.  Tveir voru handteknir í Hlíðarhverfinu, grunaðir um ölvun við akstur.

Maður var stöðvaður í verslun í Breiðholti grunaður um búðarhnupl, málið var afgreitt á vettvangi. Kona var stöðvuð við akstur vegna þess að dóttir hennar var ekki í öryggisbelti og viðeigandi öryggisbúnað skorti sem hentaði aldri barnsins. Konunni var gert að aka ekki meir fyrr en úr öryggi barnsins hefði verið bætt.

Einnig hafði lögregla afskipti af nokkrum ökumönnum sem eru grunaðir um akstur undir áhrifum áfengis og fíkniefna, og þurftu lögreglumenn í öllum hverfum borgarinnar að sinna kvörtunum vegna tónlistarhávaða í heimahúsum.