Þrír sjálfsmorðssprengjumenn, tvær stelpur og einn strákur, drápu 30 manns og særðu 39 aðra í Borno State í Nígeríu.
Strákurinn sprengdi sprengjuna fyrir utan kvikmyndahús þar sem knattspyrnuáhugamenn höfðu komið saman til að horfa á leik. Að minnsta kosti 24 dóu í þessari sprengingu
Nokkrum kílómetrum frá kvikmyndahúsinu voru stelpurnar að verki. Þær sprengdu sínar sprengjur og drógu 6 manns í valinn með sér ásamt því að særa 17 aðra.
Talsmaður almannavarnateymisins á svæðinu sagði í samtali við CNN að þeir sem særðust í sprengingunum hafi verið fluttir yfir á spítala í nærliggjandi borg. Ástæðan fyrir því er að spítalarnir á svæðinu gátu ekki sinnt sjúklingunum sökum skorts á mannafli og aðföngum.
Enn hefur enginn lýst yfir ábyrgð á árásunum en grunur liggur á að hryðjuverkasamtökin Boko Haram séu á bakvið sprengingarnar.
Boko Haram hafa framið fjölda voðaverka í Borno State, brennt moskur, markaði og samkomustaði.