Norska lággjaldaflugfélagið Norwegian mun fljúga tvisvar í viku frá Íslandi til Las Palmas frá og 30. október næstkomandi. Að sama skapi mun félagið fljúga fimm sinnum í viku til Tenerife frá 27. Október. Ferðirnar til Las Palmas verða farnar á miðvikudögum og laugardögum en ferðirnar til Tenerife alla daga vikunnar nema miðvikudaga og föstudaga.

Þetta kemur fram í tilkynningu frá Norwegian sem Vísir vitnar til.

Norwegian hefur flogið frá Íslandi til Spánar frá árinu 2016 og hafa ófáir Íslendingar nýtt sér þann valkost.

Í frétt Túrista um málið kemur fram að aðeins verði flogið til áramóta en þó er bent á að hægt sé að bóka ferðir út mars á næsta ári. Ódýrustu farmiðarnir, án tösku, eru á tæpar þrettán þúsund krónur.

Norwegian býður einnig upp á ferðir frá Íslandi til Madríd, Barcelona, Alicante, Osló og Bergen.