Kona frá Sviss var handtekin á Höfn í Hornarfirði seint á laugardagskvöld fyrir að hafa smyglað lifandi ketti til landsins. Konan kom til landsins með Norrænu síðastliðinn þriðjudag. Frá þessu greinir RÚV.

Haft var samband við Hjört Magnason, héraðsdýralækni á Austurlandi eftir að upp komst að konan væri með kött meðferðis í húsbíl sínum. Hjörtur hafði í kjölfarið samband við lögreglu. Kettinum hefur verið lógað og þá Matvælastofnun fyrirskipað að húsbílinn verði sótthreinsaður á kostnað eigandans.

Samkvæmt lögum um innflutning dýra þarf að sækja um innflutningsleyfi og uppfylla margvísleg heilbrigðisskilyrði áður en hægt er að flytja dýr til landsins. Einnig þurfa dýr að vera í einangrun í fjórar vikur og einungis er heimilt að flytja þau inn í gegnum Keflavíkurflugvöll. Samkvæmt lögunum skal dýrum sem smyglað er inn til landsins vera lógað tafarlaust og skrokkum þeirra eytt.