Lögreglumenn frá Húsavík höfðu í dag hendur í hári ökumanns sem festi jeppa í Bjarnarflagi við Mývatn, skammt frá Jarðböðunum. Þetta kemur fram í tilkynningu frá lögreglunni á Norðurlandi eystra en þar segir að vitni gerðu lögreglu viðvart um athæfið. Engin aðstoð var þó veitt við að losa bifreiðina fyrr en lögregla var komin á vettvang og hafði klárað rannsókn málsins.

Ljóst var að viðkomandi hafði ekið með slíkum ákafa að bifreið hans endaði í festu í leirkenndum jarðvegi í nágrenni heitra gufusvæða. Ökumanninum, sem er af erlendu þjóðerni, verður gert að greiða sekt í ríkissjóð. Hermt er að sektirnar verði vegna gífurlegrar skemmdar sem urðu á kaflanum sem bíllinn ók um áður en hann festist í leirnum.

Í samtali við Morgunblaðið segir Sig­urður Jón­as Þor­bergs­son, einn land­eig­enda Reykja­hlíðar, að um ásetningsbrot sé að ræða. „Við héld­um fyrst að þetta væri óhapp og þau hefðu lent út af, en síðan kom í ljós að þau komu úr hinni átt­inni og höfðu síðan beygt og tekið sveigju þarna niður,“ seg­ir Sigurður.