Ástæðan er ný uppgötvun utan sólkerfisins
Bandaríska geimvísindastofnunin NASA hefur boðað til blaðamannafundar miðvikudaginn 22. febrúar næstkomandi til að tilkynna um nýja uppgötvun utan sólkerfisins okkar. Á fundinum verður greint frá upplýsingum varðandi reikistjörnur í öðru sólkerfi.
Blaðamannafundurinn verður sýndur í beinni útsendingu á vefsvæði NASA. Hann hefst klukkan 18:00 á íslenskum tíma.
Vonir standa til að NASA greini, meðal annars, frá því að í framtíðinni verði mögulega hægt að finna líf annars staðar í alheiminum út frá þessari nýju uppgötvun.
