Á þriðja tímanum í nótt var lögreglan kölluð að hóteli í Reykjavík en þar hafði gestur farið á klósettið en skilaði sér ekki þaðan út og svaraði ekki er kallað var á hann. Næturvörðurinn var ekki með lykil og brutu félagar mannsins sé því leið inn á klósettið. Maðurinn hafði það ágætt miðað við aðstæður, hafði einfaldlega verið svo ölvaður að hann sofnaði ölvunarsvefni.

Á sjötta tímanum í gær var tilkynnt um þjófnað úr búningsklefa í íþróttahúsi í Fossvogshverfi. Þaðan var stolið dýrum úlpum, síma, greiðslukortum og fleiru. Lögreglan hefur grun um hverjir voru að verki en málið er í rannsókn.

Um klukkan 19 varð harður árekstur á Bústaðavegi. Þar lentu tvær bifreiðar saman á gatnamótum og leikur grunur á að annar ökumaðurinn hafi ekið inn á þau á móti rauðu ljósi. Engin slys urðu á fólki en annar ökumaðurinn var fluttur á sjúkrahús vegna brjóstverks.

Á sjötta tímanum í gær kom maður inn í verslun í Kópavogi en hann var skorinn. Hann bað um aðstoð og var fluttur á slysadeild með sjúkrabifreið. Hann vildi hins vegar ekkert ræða við lögregluna eða fá aðstoð hennar.

Tveir ökumenn voru handteknir  í gærkvöldi og nótt grunaðir um að vera undir áhrifum fíkniefna.  Annar þeirra reyndist vera sviptur ökuréttindum og hinn er grunaður um að sölu/vörslu fíkniefna.

Einn ökumaður var handtekinn í gærkvöldi grunaður um að vera ölvaður.

Á áttunda tímanum í gærkvöldi hrundi grjót á konu sem var á almennri gönguleið í Esjunni. Hún marðist og skrámaðist á höndum og fótum. Björgunarsveitarfólk aðstoðaði hana niður af fjallinu.