Marco Materazzi, fyrrum leikmaður Inter Milan, er ekki sammála því að Virgil van Dijk sé besti hafsent heims í dag.
Van Dijk er af mörgum talinn öflugasti varnarmaður knattspyrnunnar en hann spilar með Liverpool.
Hollendingurinn samdi við Liverpool á síðasta ári en hann kom til félagsins frá Southampton.
Þar hafa hlutirnir gengið frábærlega og er Van Dijk fastamaður í sterku liði Jurgen Klopp.
Materazzi nefnir þó þrjá betri varnarmenn sem hann telur að séu betri en Van Dijk í dag.
,,Ég tel að bestu miðverðir heims í dag séu þeir Kalidou Koulibaly, Sergio Ramos og Alessio Romagnoli,“ sagði Materazzi.
Koulibaly spilar með Napoli á Ítalíu, Romagnoli með AC Milan og Ramos er fyrirliði Real Madrid.