„Á dögunum hélt Blue Car Rental samkeppnina #FeelingBlue þar sem mjög seinheppnu fólki bauðst að senda inn myndband með raunarsögu sinni. Sá þátttakandi sem var búinn að vera hvað óheppnastur síðustu misseri var valinn sigurvegari og kom til Íslands í eina heljarinnar skemmtiferð. Auðvitað var allt til gamans gert og þátttakendur eindregið hvattir til að sýna spaugilegu hliðina á vandræðum sínum.“

Bílaleigunni bárust fjölmörg myndskeið þar sem fólk sagði sögu sína á gamansaman hátt. Sigurvegiarinn var Liz Connor frá Bandaríkjunum. Hún var á endanum valin heppnasti óheppnasti þátttakandinn fyrir myndband sem samstarfsfélagar hennar hjálpuðu henni að búa til.

Liz, sem er grunnskólakennari sem hafði ekki átt sjö dagana sæla. Hrakfallasaga hennar ætlaði engan endi að taka. Hún hafði runnið í sömu bleytunni í skólanum þrisvar og slasað sig í hvert skipti. Hún ristarbrotnaði og rófubeinsbrotnaði. Liz segir:

„Þetta átti bara eftir að versna. Ég fór í ferð með skemmtiferðaskipi og þar missti ég tönn.“

Liz var þrumu lostin og yfir sig ánægð þegar hún frétti að hún væri að koma til Íslands í skemmtiferð í boði Blue bílaleigunnar. Hún og sonur hennar komu skömmu fyrir jól og fengu vægast sagt konunglegar móttökur. Þau fóru víða um land, sáu helstu náttúruperlurnar og skelltu sér í nokkrar ferðir, meðal annars á hestbak, á fjórhjól og RIB-bát í Reykjavíkuhöfn.

Ferðin gekk frábærlega í alla staði og Liz lítur ekki lengur á sjálfa sig sem óheppna konu. Í myndskeiðinu segir Liz um upplifun sína um komuna til Íslands:

„Mér leið eins og ég væri fræg. Ég fékk bíl og íbúð og skoðaði landið.“

Hér fyrir neðan má sjá skemmtilegt myndskeið frá ferðalagi þessara óheppnu konu á Íslandi: