Mauro Icardi, leikmaður Inter Milan, var sviptur fyrirliðabandinu hjá félaginu á dögunum sem vakti mikla athygli.
Icardi hefur ekki viljað krota undir nýjan samning við félagið og er talað um að hann sé á förum í sumar.
Hann var ekki í leikmannahópnum í dag er Inter vann góðan 2-1 heimasigur á Sampdoria.
Samkvæmt ítölskum fregnum þá heimtar Icardi að Inter biðjist afsökunar opinberlega eða að hann sé hættur hjá félaginu.
Icardi vill fá afsökunarbeiðni eftir framkomu félagsins en hann bjóst ekki við að bandið yrði sett á Samir Handanovic, markvörð liðsins.
Hann vill að félagið gefi frá sér yfirlýsingu þar sem hann er beðinn afsökunar á þessum vinnubrögðum.
Einnig vill Argentínumaðurinn fá að mæta á blaðamannafund ásamt Luciano Spalletti, stjóra liðsins og Beppe Marotta, yfirmanni knattspyrnumála félagsins.