Samfélagsmiðlastjarnan og gleðipinninn Guðrún Veiga tekur sjálfa sig ekki alvarlega, eins og flestir sem fylgja henni vita. Hún er uppátækjasöm og með eindæmum mikill húmoristi, eins og nýjasta færsla hennar á Instagram sýnir hvað best.
„Eitt af því sem ég óttast hvað mest í lífinu er að símtækinu mínu verði hnuplað. Óttast ég að glata þúsundum ljósmynda og myndskeiða? Nei. Neinei,“ skrifar Guðrún Veiga og heldur áfram.
https://www.instagram.com/p/Bty109VnCbD/
„Mín versta martröð er að einhver komi höndum yfir allar myndirnar sem ég tek af sjálfri mér. Fann líka mynd(ir) áðan af fæðingarbletti sem ég hafði verið að reyna skoða betur. Á nærbuxnasvæðinu. Ásamt ansi grafískum myndum af keisaraskurðssári. Sem ég var líka að reyna að sjá aðeins betur.“
Guðrún Veiga fer síðan ítarlega yfir myndir sem hún tók til að reyna að sjá marblett betur.
„Jú, og svo virðist ég á einhverjum tímapunkti hafa reynt að glöggva mig á stærð á marbletti sem ég skartaði. Frá innanverðu læri og yfir á rass. Ekki reyna að ímynda ykkur þær myndir. Sem ég tók á milli fótanna á mér – til þess að sjá marblettinn aðeins betur.“
Guðrún Veiga virðist ekki vera sú eina sem hræðist þessar aðstæður, því förðunarséníið Ágústa Sif er á sama báti.
„Tengi svo mikið. Ef einhver ætlar að stela þessu drasli af mér, bíddu aðeins á meðan ég eyði því vandræðalegasta!“ skrifar hún við mynd Guðrúnar Veigu.
https://www.instagram.com/p/BsBEwy5ACF9/