Nú er stutt í áramót og margir vefmiðlar farnir að taka árið saman í máli og myndum. Meðal þeirra er Reader’s Digest, en einn af undirvefjum þess miðils er lífsstílsvefurinn Taste of Home. Á Taste of Home eru oft birtar uppskriftir, en hér fyrir neðan er ein uppskrift sem hefur svo sannarlega skarað fram á.
Reader’s Digest segir frá því að rúmlega fimm þúsund manns skoði uppskriftina á hverjum degi, en hún er að einföldu lasagna sem sagt er með því besta. Hér þarf ekki frekari málalengingar – við kynnum þessa vinsælu uppskrift
Hráefni:
9 lasagna plötur
560 g mild ítölsk pylsa
340 g nautahakk
1 meðalstór laukur, skorinn í bita
3 hvítlauksgeirar, smátt skornir
2 dósir maukaðir tómatar
340 g tómatpúrra
2/3 bolli vatn
2 – 3 msk. sykur
3 msk. + 1/4 bolli fersk steinselja, söxuð
2 tsk. þurrkað basil
3/4 tsk. fennel fræ
3/4 tsk. salt
1/4 tsk. svartur pipar
1 stórt egg, þeytt
425 g ricotta ostur (eða kotasæla)
4 bollar rifinn ostur
3/4 bolli rifinn parmesan ostur.
Aðferð:
Sjóðið lasagna plöturnar samkvæmt leiðbeiningum á pakka. Steikið pylsu, hakk og lauk yfir meðalhita í 8 til 10 mínútur, eða þar til kjötið er ekki lengur bleikt. Bætið hvítlauk saman við og eldið í 1 mínútu til viðbótar. Hærið tómötum, púrru, vatni, sykri, 3 matskeiðum af steinselju, basil, fennel, 1/2 teskeið af salti og pipar saman við kjötið og náið upp suðu. Lækkið þá hitann og látið malla í hálftíma og hrærið reglulega. Blandið eggi, ricotta osti og restinni af steinseljunni og saltinu saman í lítilli skál. Hitið ofninn í 190°C og dreifið úr 2 bollum af kjötsósunni í stórt, eldfast mót. Leggið þrjár lasagna plötur yfir og síðan þriðjung af ricotta blöndunni. Drissið 1 bolla af rifnum osti ofan á og 2 matskeiðum af parmesan. Endurtakið tvisvar og ljúkið þessu á restinni af kjötsósunni og stinum. Klæðið mótið í álpappír og bakið í 25 mínútur. Takið álpappír af og bakið í 25 mínútur til viðbótar. Takið úr ofninum og leyfið að hvíla í korter áður en lasagna er borið fram.
