Adam, annar eigenda veitingastaðarins Adam’s pizza og grill, Seljabraut 54, stendur sjálfur vaktina langar stundir ásamt starfsfólki sínu og býr til matinn sem er svo vinsæll hjá gestum staðarins. Adam’s pizza og grill er opinn frá kl. 11 til 23 alla daga vikunnar og það er nánast alltaf mikið að gera. Vinnandi fólk streymir á staðinn í hádegismat og margir koma líka í kvöldmat; fjölmargir panta sér mat, sækja eða fá sent, alla daga vikunnar. Einnig er matur seldur í gegnum bílalúgu auk þess sem margir borða á staðnum.

Einn vinsælasti réttur á Adam’s pizza og grill er Adam’s Special Pizza: sósa, ostur, nautahakk, pepperóní, sveppir, blönduð paprika, rauðlaukur og hvítlaukspipar.

Staðurinn er ekki hvað síst þekktur fyrir sínar rómuðu og vinsælu brauðstangir sem eru ávallt ferskar og aldrei geymdar í frysti eins og víða þekkist. Hvítlauksolían sem notuð er með þeim er líka ávallt fersk. Hægt er að fá brauðstangir með pepperóní, rjómaosti, jalapeno og piparosti.

Sjá nánar fjölbreyttan og girnilegan matseðil á http://adamspizza.is/matsedill/

Nýr staður í Ármúla

Um árabil hefur Adam’s Pizza og grill notið mikilla vinsælda að Seljabraut 54 en snemma á nýliðnu sumri var opnaður nýr Adam’s staður að Ármúla 42 og hefur hann líka slegið í gegn. Þar er huggulegur matsalur fyrir 34 manns og margir njóta veitinga á staðnum. Einnig er hægt að taka með eða fá sent en fyrirtækið hefur nýlega fest kaup á tveimur nýjum, vel merktum og fallegum sendibílum frá Brimborg.

Adam’s pizza og grill býður upp á steinbakaðar pítsur, þykka hamborgara, kótelettur, salöt, ís og kaffi. Einnig er barnamatseðill enda er staðurinn vinsæll á meðal fjölskyldufólks. Hann er ekki síður vinsæll á meðal vinnandi fólks í nágrenninu sem sækir staðinn stíft og er þess vegna sérstaklega mikið að gera í hádeginu.

Pöntunarsíminn er 533-1414. Netfangið er adamspizza@adamspizza.is og heimasíðan www.adamspizza.is.