Paul Pogba, leikmaður Manchester United, er mikið gagnrýndur í dag en hann þykir ekki vera upp á sitt besta.

Paul Ince, fyrrum leikmaður United, er á meðal þeirra sem hafa gagnrýnt Pogba reglulega á árinu.

Pogba var ekki í byrjunarliði United í gær í 2-2 jafntefli gegn Arsenal og fær nú kjaftshögg frá Ince.

,,Pogba á að vera leikmaður í heimsklassa en hann lítur út fyrir að vera meðalleikmaður,“ sagði Ince.

,,Ef hann heldur að starfið hans sé að koma á völlinn og sýna heimskuleg brögð og tapa boltanum þá er hann hálfviti.“

,,Það er hægt að kenna Jose Mourinho fyrir ýmislegt en ekki fyrir allt. Pogba hjálpar sjálfum sér ekki og á bekkjarsetuna skilið.“

,,Það skiptir engu máli hversu stórt nafn þú ert. Það er enginn of stór til að vera hent úr liðinu hjá United.“