Líkt og frægt er orðið töldu þingmenn Miðflokksins og Flokk fólksins eina ákveðna konu í Sjálfstæðisflokknum ekki lengur „hot“. Þar voru þeir að ræða Íris Róbertsdóttur, bæjarstjóra í Vestmannaeyjum.
Athygli vekur að bæði RÚV og Stöð 2 töldu þessa lýsingu eiga við Áslaugu Örnu Sigurbjörnsdóttur, sem og raunar Gunnar Bragi Sveinsson, sem bað hana afsökunar. Stöð 2 lagði til að mynda þau ummæli sérstaklega undir hana í sjónvarpsfréttum. Eftir því sem DV kemst næst er hvergi minnst á Áslaugu í upptökunum.
Jón Gnarr benti á á Twitter að Gunnar Bragi hafi beðið Áslaugu afsökunar, þó hann hafi ekki munað eftir því að hafa sagt neitt um hana.
Gunnar Bragi er svo heiðarlegur og vandaður maður að hann bað Ásaugu Örnu afsökunar bara in case að hann hefði verið að tala um hana, sem hann man ekki afþví að hann var í blakkáti. ég er sammála honum að hann verður örugglega frábær sendiherra #klausturgate
— Jon Gnarr (@Jon_Gnarr) November 29, 2018
Ummæli um Írisi féllu í samhengi við næsta prófkjör Sjálfstæðismanna í Suðurkjördæmi. Þingmennirnir spáðu í spilin og voru að velta fyrir sér hverjir myndu raðast í efstu sætin. Hægt er að hlusta á upptökuna hér fyrir neðan.
Bergþór: Nú verðum við að fara að drekka eitthvað annað.
Gunnar Bragi: Hætt‘essu helvítis appelsíni!
Sigmundur: Ef ég skýt inn áður en Sýslumaður svarar…
Sigmundur: „Það er hún stelpa í Vestmannaeyjum“
Anna Kolbrún: Já, þessi Áslaug…?
Bergþór: „Íris.“
Anna Kolbrún: Hún gæti verið…. […]
Sigmundur: „Já.“
Gunnar Bragi: „Ég held að Íris Róbertsdóttir gæti verið helvíti öflug, hún er helvíti sæt stelpa.“
Anna Kolbrún: „En er hún ekki nógu flott?
Gunnar Bragi: „ÖL!
Karl Gauti: Jú, ég þekki hana mjög vel.
…
Sigmundur: Þetta er svona móment, með því að fá einhverja unga konu. Ung kona í Sjálfsstæðisflokknum, ungt fólk og þeir hugsa: „Lyftum henni.“
Gunnar Bragi: Hún gæti fengið eitthvað í Keflavík. Bara fyrir að vera kona…
…
Hún gæti náð öðru sætinu, hún gæti náð þriðja sætinu.
….
Það sem vefst fyrir henni er að hún og hann þarna… fyrsta sætið…
– Elliði.
…Þau hatast.
Nei, Páll…
-Elliði!
Ég held að hún komi… […]
Bergþór: Nú ætla ég að segja eitt sem er mjög dónalegt.
Hún er ung, en það fellur hratt á hana.
Hún er miklu minna hot í ár heldur en hún var fyrir fjórum árum síðan.
-Í ALVÖRU?
Já.
Það er ótrúlegur munur.
Sigmundur: „Og á þeim forsendum segi ég að hún hrynji niður listann.“
Bergþór: „Eðlilega.“
Ég meina, í fjarlægð er hún mjög flott…. […]
Þau í Keflavík gætu kosið hana sko. Hún lítur flott út… […]
Anna Kolbrún: Viljið þið velta fyrir ykkur, ef þetta væri karl…
-Æ!
Gunnar Bragi: Leyfðu okkur nú að eiga þessa stund saman!
Anna Kolbrún: Ef þetta væri Páll Magnússon?
Gunnar Bragi: Hann er ekkert sexí!
