Veður er að versna og því hefur eftirfarandi vegum í nágrenni borgarinnar verið lokað: Hellisheiði, Mosfellsheiði, Lyngdalsheiði og Kjósaskarðsvegi. Þessi svæði eru vinnusvæði viðbragðsaðila og lokuð fyrir allri umferð. Þetta kemur fram í fréttatilkynningu lögreglunnar á höfuðborgarsvæðinu. Þar stendur enn fremur:

„Töluvert hefur verið um að eigendur breyttra ökutækja reyni að komast, þrátt fyrir lokanir, en láti síðan óánægja sína dynja á björgunarsveitarmönnum. Þetta er algerlega óþolandi framkoma og því biðjum við ökumenn að virða lokanir, og sérstaklega að virða störf björgunarsveita við þessar erfiðu aðstæður.“

Enn er opið um Suðurstrandaveg og Þrengsli.