Um kl. 02 í nótt veitti lögreglan eftirför ökumanni sem virti ekki fyrirmæli um að stöðva bifreiðina.  Ökumaðurinn var að lokum stöðvaður við Bolöldu eftir að lögreglubifreiðin ók utan í bíl ökumannsins. Ökumaðurinn reyndist vera í mjög annarlegu ástandi og var vistaður í fangaklefa.

Rúmlega kl. 21 í gærkvöldi var ekið á staur í miðbænum. Ökumaður sem var einn í bifreiðinni meiddist ekki en er grunaður um að aka bifreiðinni undir áhrifum vímuefna.

Hálftíma síðar var ökumaður stöðvaður í Grafarvogi grunaður um akstur undir áhrifum fíkniefna en einnig fundust fíkniefni á honum. Tveir aðrir voru teknir fyrir svipuð brot í Grafarvogi í nótt.

Skömmu fyrir klukkan 01:00 var hafði lögreglan afskipti af ökumanni í Árbæ sem stöðvaði ekki við stöðvunarskyldu við gatnamót.  Ökumaðurinn reyndist vera ölvaður.