Aron Einar Gunnarsson á möguleika á að byrja þegar Cardiff tekur á móti Fulham í ensku úrvalsdeildinni á morgun.

Neil Warnock stjóri liðsins segir að það sé undir Aroni komið hvort hann spili frá byrjun eða ekki.

Warnock segir að Cardiff hafi saknað Arons sem er að koma til baka eftir meiðsli.

,,Það er undir honum komið, ég set ekki pressu á hann,“ sagði Warnock.

,,Hann er með hluti sem við höfum saknað, ég spila honum ef hann telur sig vera í lagi. Við verðum að vera skynsamir.“

,,Við erum að koma honum af stað, hvort hann byrjði eða verði á bekknum, vð ákveðum það á eftir.“