Það er óhætt að segja að enska landsliðið hafi komið mörgum á óvart í kvöld en liðið spilar nú við Spán í Þjóðadeildinni.
Liðin áttust við fyrr á árinu á Wembley og þá hafði spænska liðið betur með tveimur mörkum gegn einu.
England mætti gríðarlega öflugt til leiks í kvöld og komst yfir á 16. mínútu með marki frá Raheem Sterling.
Stuttu síðar bætti Marcus Rashford við öðru marki Englands áður en Sterling bætti við sínu öðru og kom Englandi í 3-0!
Staðan í leikhléi er því 3-0 fyrir Englandi en þetta er í fyrsta sinn frá 1987 sem England skorar á Spáni í landsleik.
England hefur aðeins verið 30 prósent með boltann og hefur átt fimm mark tilraunir gegn tíu frá heimamönnum.