Að minnsta kosti tíu prósent af konum sem eru orðnar meðvitaðar um það að þær séu þungaðar upplifa fósturmissi. Þrátt fyrir þann fjölda kvenna þá er algengt að konur sem missa fóstur upplifi sig einar í þeirri stöðu og eiga það til að líða eins og þær séu misheppnaðar.

Klíníski sálfræðingurinn Jessica Zucker ákvað að stofna herferð til þess að stöðva þögnina og skömmina sem myndast hefur í kringum fósturmissi. Sjálf missti Jessica fóstur á sextándu viku og samkvæmt HuffPost eru sex ár síðan.

Herferðin ber nafnið #IhadAMiscarriage sem þýða mætti sem #Égmisstifóstur og fékk Jessica ljóðskáld til þess að hjálpa sér að útfæra herferðina. Tíu konur tóku þátt í myndatökunni fyrir herferðina og hægt er að sjá myndirnar hér fyrir neðan ásamt myndbandi sem tekið var upp við gerð herferðarinnar.