John Terry, fyrrum fyrirliði Chelsea, segist vita af hverju Jose Mourinho sé í smá vandræðum hjá Manchester United.
Terry þekkir Mourinho vel en þeir unnu lengi saman hjá Chelsea og unnu ófáa titla.
Terry segir að það vanti stóru persónuleikana í lið United líkt og Mourinho var að vinna með hjá Chelsea.
,,Hann hefur verið með stóra karaktera hjá þeim liðum sem hann hefur stýrt en ég er ekki viss um að hann sé með það sama hjá United,” sagði Terry.
,,Hann var með þá hjá Chelsea. Þú verður að sýna honum það á æfingasvæðinu að þú sért tilbúinn að gera allt til þess að vinna, ef þú ert með það þá er hann alltaf með þér í liði.”
,,Ég held að hann muni ná árangri hjá Manchester United en það þarf að sýna þolinmæði.”