Miðjumaðurinn Mateo Kovacic er líklega á leið til Chelsea í ensku úrvalsdeildinni. Sky Sports greinir frá.
Kovacic hefur sjálfur staðfest það að hann vilji fara frá Real en hann er ekki fastamaður á Santiago Bernabeu.
Real hefur nú boðið Chelsea að fá Kovacic á láni út tímabilið til að reyna að tryggja sér markvörðinn Thibaut Courtois.
Chelsea hefur áhuga á að fá Kovacic en þarf einnig að finna mann í stað Courtois áður en glugginn lokar fyrir ensk félög á fimmtudaginn.
Kovacic er 24 ára gamall leikmaður en hann kom til Real frá Inter Milan árið 2015 og á að baki 73 deildarleiki fyrir félagið.
