fbpx
Sunnudagur 28.apríl 2024
Fréttir

Íslendingur sagður hafa bitið eyrað af Þjóðverja: „Ég drep þig!“

Auður Ösp
Þriðjudaginn 27. september 2016 22:25

Ekki missa af Helstu tíðindum dagsins í pósthólfið þitt

Lesa nánar

Þýska götublaðið B.Z. í Berlín greinir frá því fyrr í kvöld að ölvaður Íslendingur hafi síðastliðinn sunnudag bitið hluta úr eyra manns um borð í lest í Berlín. Íslendingurinn er sagður hafa verið handtekinn í kjölfarið en fórnarlambið mun hafa reynt að stöðva árás Íslendingsins á annan farþega í lestinni.

Í samtali við BZ lýsir hinn 37 ára gamli Alexander B. því þannig að hann hafi setið um borð í lest sem gengur á milli Berlínar og Nauen síðastliðinn sunnudag. Segir hann að um borð hafi einnig verið ölvaður Íslendingur sem skyndilega hafi farið að hreyta ókvæðisorðum að ungum manni. Hann hafi ráðist að manninum með svívirðingum, kallað hann „Bin Laden“ og spurt hvort hann ætlaði ekki að ákalla Allah og sprengja sprengju. Ungi maðurinn hafi þó ekki brugðist við þeim aðdróttunum í fyrstu. Segir Alexander Íslendinginn jafnframt hafa reynt að fá aðra farþega lestarinnar í lið með sér en án árangurs.

Alexander segist því næst hafa ákveðið að grípa inn í og stoppa Íslendinginn en sá hafi brugðist illa við og þá hafi komið til átaka á milli þeirra tveggja. Hann hafi náð að ýta Íslendingum niður í gólfið en Íslendingurinn hafi þá brugðist við með því að ráðast að honum og bíta stóran hluta úr eyra hans. Þá segir Alexander að árásarmaðurinn hafi þvínæst öskrað: „Ég drep þig!“ og fyrst þá hafi aðrir farþegar lestarinnar skipt sér af átökunum.

Alexander segist nú bíða þess að geta gengist undir uppbyggingu á eyranu þar sem ekki var hægt að sauma á stykkið sem bitið var úr.

Hluti eyrans sem Íslendingurinn er sagður hafa bitið úr Alexander. Mynd/BZ.
Hluti eyrans sem Íslendingurinn er sagður hafa bitið úr Alexander. Mynd/BZ.

Þá kemur fram í grein BZ að íslenski ferðamaðurinn hafi verið handtekinn af lögreglunni í Berlín og að ekki sé um að ræða fyrsta skiptið sem hann ráðist á annan einstakling með þessum hætti. Þá kemur fram að hann verði leiddur fyrir dómara á næstu dögum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sjáðu myndbandið: Sverrir Einar handtekinn og leiddur út í járnum í miðbænum

Sjáðu myndbandið: Sverrir Einar handtekinn og leiddur út í járnum í miðbænum
Fréttir
Í gær

Snorri og Patrik vekja hneykslun: Konan hugsi um börnin og karlinn um peningana – „Gömlukallaraus í ungum mönnum“

Snorri og Patrik vekja hneykslun: Konan hugsi um börnin og karlinn um peningana – „Gömlukallaraus í ungum mönnum“
Fréttir
Fyrir 2 dögum

Pálmatré raunhæft verkefni en aðeins eitt tré mun rísa

Pálmatré raunhæft verkefni en aðeins eitt tré mun rísa
Fréttir
Fyrir 2 dögum

Kári Hansen skilaði inn meðmælum til forseta Íslands rafrænt

Kári Hansen skilaði inn meðmælum til forseta Íslands rafrænt
Fréttir
Fyrir 2 dögum

Reiði vegna skemmdarverks á Suðurgötu: Málið verður tilkynnt lögreglu – Sjáðu myndina

Reiði vegna skemmdarverks á Suðurgötu: Málið verður tilkynnt lögreglu – Sjáðu myndina
Fréttir
Fyrir 2 dögum

Tveir Bretar hætt komnir á Íslandi: Grét þegar hann sagði frá slysinu – Vinur hans enn á spítala

Tveir Bretar hætt komnir á Íslandi: Grét þegar hann sagði frá slysinu – Vinur hans enn á spítala
Fréttir
Fyrir 2 dögum

Mótmælin á Tenerife – Vill ekki ferðamenn með „allt-innifalið“ armbönd

Mótmælin á Tenerife – Vill ekki ferðamenn með „allt-innifalið“ armbönd
Fréttir
Fyrir 3 dögum

Helga Þórisdóttir búin að ná meðmælendum

Helga Þórisdóttir búin að ná meðmælendum