Skilaboð sem Arnbjörn Kristjónsson veitingamaður fékk frá bandarískum ferðamanni hafa vakið talsverða athygli innan hópsins Sögur af dónalegum viðskiptavinum. Nú hafa á sjötta hundrað manns lækað færsluna. Arnbjörn varð fyrir því óláni að þjóna sérstaklega dónalegum Bandaríkjamönnum á dögunum. Landi þeirra á næsta borði hélt þó uppi orðspori Bandaríkjanna og sendi honum skilaboð ásamt þúsund krónum í þjórfé.
„Stundum fær maður hóp af einstaklega „skemmtilegu“ fólki. Og svo er maður á næsta borði sem er algjört yndi og skilur þetta eftir,“ skrifar Arnbjörn og birtir mynd af skilaboðunum. Þar biðst viðkomandi afsökunar á hegðun landa sinna. „Ég biðst afsökunar fyrir hönd þessarar fjölskyldu. Ekki allir Bandaríkjamenn eru svona andstyggilegir,“ segir í skilaboðnum.
Í samtali við DV segir Arnbjörn að dónalegu Bandaríkjamennirnir hafi verið níu manna hóp annars vegar og ungan mann hins vegar. „Níu manna fjölskylda settist niður hjá okkur á svipuðum tíma og ungur einstaklingur sem sat á næsta borði. Honum blöskraði svo frekjan, dónaskapurinn og yfirgangurinn gagnvart öllum þremur þjónunum sem voru á hjólum í kring um þau að hann fann sig knúinn til að biðjast afsökunar á framkomu landa sinna ásamt því að skilja eftir þúsundkall í þjórfé fyrir stelpurnar. Dónalega fjölskyldan var hins vegar svo sátt eftir allt saman að þau biðu fyrir utan hjá okkur aftur í morgun,“ segir Arnbjörn.
