Abu Kifah bjargaði kornabarni eftir sprengjuárás
Í meðfylgjandi myndbandi sést sýrlenskur hjálparsveitarmaður brotna niður eftir að hafa dregið 30 daga gamalt stúlkubarn úr rústum byggingar. Byggingin var sprengd í tætlur í loftárás á borgina Idlib í Sýrlandi á fimmtudag.
Abu Kifah heitir maðurinn sem bjargaði stúlkunni úr rústunum en hann gróf af öllum mætti í tvo tíma eftir sprengjuárásina. Hún reyndist vera á lífi. Kifah bar stúlkuna upp í sjúkrabíl sem ók þeim á nærliggjandi sjúkrahús, sem var yfirfullt að vanda.
Að lágmarki 11 borgarar, þar af sjö börn, léstust í sprengjuárásunum á Idlib í vikunni. Í heilt ár hafa Rússar varpað sprengjum á Sýrland til að styðja Bashar al-Assad forseta.
Sprengjur Pútíns Rússlandsforseta hafa nú að sögn drepið fleiri en 3.800 óbreytta borgara. „Austurhluti Aleppo er orðinn að einum stórum vígvelli,“ hefur Daily Mail eftir Xisco Villalonga, verkefnisstjóra Lækna án landamæra.
Sameinuðu þjóðirnar hafa sagt að ástandið í Aleppo sé það versta sem upp hafi komið frá því stríðið í Sýrlandi braust út. Talið er að tala fallinna í stríðinu sé um 300 þúsund. Það eru næstum jafn margir og allir Íslendingar.
Talið er að um 35 læknar séu starfandi í austurhluta Aleppo, en þar hefur 250 þúsund manns verið innilokaðir frá því snemma í september.