Í kvöld kl. 20 leiðir Ana Stanicevic kvöldgöngu Borgarbókasafnsins um slóðir skáldsögunnar Mánasteins eftir Sjón. Sagan gerist í Reykjavík árið 1918, í skugga Kötlugoss, spænsku veikinnar, frostavetrarins mikla og annarra hörmunga.
Í skáldsögunni verðum við vitni af þessum hörmungum og þeim áhrifum sem þær hafa á bæjarbúa með augum sögumannsins Mána Steins. Hann er samkynhneigður unglingspiltur sem lifir á jaðri samfélagsins sakir kynhneigðar sinnar í borg sem hefur „í skjótri svipan eignast hvaðeina sem heimsborg hentar, ekki aðeins háskóla og kvikmyndahús, heldur einnig fútboll og hómósexúalisma“, svo vitnað sé til orða nóbelsskáldsins.
Mánasteinn kom út árið 2013 og hlaut Sjón hlaut Íslensku bókmenntaverðlaunin í flokki skáldverka fyrir bókina.
Ana Stanicevic er serbnesk og leggur stund á doktorsnám í íslensku við Háskóla Íslands. Árið 2017 kom Mánasteinn út á serbnesku í þýðingu hennar.
Gangan hefst við Borgarbókasafnið, Tryggvagötu 15.
