Klukkan þrjú í nótt reyndi ökumaður bíls að komast undan lögreglu eftir að hann hafði ekið yfir á rauðu ljósi á Suðurlandsbraut. Eftirför lögreglu var stutt og snörp en ökumaðurinn sinnti ekki stöðvunarmerkjum lögreglu. Hann stöðvaði síðan bílinn af sjálfsdáðum í nærliggjandi verslunarhverfi. Ökumaðurinn reyndist vera alsgáður en verður kærður fyrir nokkur brot. Eitt þeirra varðar lagaákvæði um að setja líf manneskju í óljósan háska, þar sem farþegi í bíl mannsins þurfti á sálrænni aðstoð að halda hjá lögreglu vegna háttalags ökumannsins.
Þetta kemur fram í dagbók lögreglunnar. Þar kemur einnig fram að samtals 70 verkefni vorum á borðum lögreglunnar á höfuðborgarsvæðinu í gærkvöld og nótt nótt milli kl. 23 og 07. Þar af voru fjórar líkamsárásir. Tvær þeirra áttu sér stað í miðborg Reykjavíkur og í öðru tilfellinu þurfti að fylgja brotaþola á slysadeild.
