Lögreglan á höfuðborgarsvæðinu kærði tólf ökumenn í morgun fyrir að nota strætóakreinar í borginni. Eins og allir ökumenn ættu að vita eru þær akreinar eingöngu ætlaðar bifreiðum sem hafa hópferðarleyfi.
Í þeim hópi eru til dæmis strætisvagnar og rútur en fólksbílar eru ekki í þeim hópi.
Í orðsendingu sem lögreglan á höfuðborgarsvæðinu sendi frá sér á Facebook nú í hádeginu kemur fram að þessir ökumenn megi prísa sig sæla að hafa fengið sektina nú en ekki síðar. Eftir örfáa daga mun hún nefnilega hækka í 20 þúsund krónur.