Newsweek segir að Bandaríkjamenn geti mikið lært af Íslendingum í orkumálum. Mér heyrðist ég heyra Al Gore segja hið sama.

Hitaveitur á Íslandi eru náttúrlega hrein dásemd – algjör munaður. Gufuaflsvirkjanir eru líklega eðlilegt framhald þar á. Við kyndum ekki með olíu eða kolum vegna þess að við þurfum það ekki. Flest fólk hefur hins vegar ekki aðgang að heitu vatni í þessum mæli. Svo veit maður ekki hvað fleira við eigum að geta kennt öðrum þjóðum í þessu sambandi. Íslendingar fundu ekki upp vatnsfallsvirkjanir.

Við höfum til dæmis einhvern stærsta bílaflota í heimi, byggðin er svo gisin að ekki er hægt að komast öðruvísi um en á bílum, land er er sviðið vegna uppblásturs – plús það að almennur sóðaskapur er til vandræða.

En ef marka má bréf sem Framtíðarlandið sendi Gore vill það hvorki nota vatnsföll né jarðhita til að framleiða orku.