Við horfðum á myndina Home eftir Yann Arthus Bertrand í fyrrakvöld.
Stórfenglegar myndir, stórfenglegt landslag, stórfengleg jörð.
Maður hugsar um alla staðina sem maður á eftir að koma á – og sér líklega aldrei nema örfáa.
Hvílík pláneta sem við búum á! Mannsævin mætti vera aðeins lengri.
Til að sjá meira af fegurðinni og fjölbreytileikanum.
En upp úr myndinni stendur að það er vatn sem er aðalmálið.
Allar þær hundruðir milljóna jarðarbúa sem hafa ekki aðgang að nægu vatni eða nógu góðu vatni.
