Það er vitað mál að kjör á Íslandi eru að dragast langt aftur úr því sem er á Norðurlöndunum.

Við lentum í skelfilegri efnahagsóstjórn og svo efnahagshruni. Ríkisstjórnin sem nú situr hefur ekki náð að byggja upp atvinnuvegi að nýju, það sem hefur gerst er að gengi krónunnar er svo lágt að það hentar útflutningsgreinum.

Andri Geir Arinbjarnarson birtir sláandi tölur á bloggi sínu um landsframleiðslu á Íslandi, eins og hún er frá 2004 til 2011. Ég leyfi mér að birta pistilinn í heild sinni.

— — —

Landsframleiðsla á mann á Norðurlöndunum 2011 og 2004 í USD:

Ár                            2011            2004        breyting

Noregur  –           $96,000        $56,000    +71%
Danmörk  –         $63,000        $45,000    +40%
Svíþjóð  –            $61,000        $40,000    +52%
Finnland  –          $50,000        $36,000    +39%
Ísland  –              $43,000        $45,000       -4%

Þessar tölur frá AGS tala sínu máli, sérstaklega í litlu hagkerfi sem er mjög háð innflutningi á nauðsynjavörum.

Þá má spyrja, ætlar Ísland að ná fyrri landsframleiðslu-stöðu á meðal Norðurlandanna, ef svo, hvernig og á hvað löngum tíma? Getur lítið og strjálbýlt land haldið úti norrænu velferðarkerfi á landsframleiðslu sem nemur 2/3 af meðaltali hinna Norðurlandanna?

Ps.  AGS reiknar landsframleiðslu Íslands 2011 á meðalgengi, 118 kr. dollarinn.

Heimildir: IMF, Gross domestic product per capita, current prices (USD) 2004, 2011 (est.), Hagstofa Íslands