Stöð 2 birtir viðtal við hótelhaldara á Austurlandi sem segist óttast að ferðamannastraumur minnki vegna þess að bensínverð er hátt.

Akstur Íslendinga hefur þegar minnkað talsvert síðustu árin – ekki einungis vegna hins háa bensínverðs, heldur líka vegna þess að bílaflotinn hefur elst, verðlag á gistingu og veitingum er hátt fyrir okkur heimafólkið, kaupmáttur hefur minnkað mikið.

En hvað varðar útlendinga ætti þetta ekki að vera vandamál. Krónan hefur verið að veikjast og þegar meðfylgjandi tafla er skoðuð sést að í evrum talið er bensín í ódýrari kantinum á Íslandi.

Líterinn kostar um 1,57 evrur. en í Danmörku er hann á 1,77, í Bretlandi á 1,61, í Noregi 1,89, á Ítalíu 1,80, í Svíþjóð 1,63 og í Þýskalandi 1,68.

Það virðist svo ætla að verða stórt ár í utanlandsferðum Íslendinga, þrátt fyrir að krónan sé stöðugt að veikjast. Þetta verður ekki ódýrt.