Formaður Lögmannafélagsins óttast gæðarýrnun meðal lögmanna á Íslandi. Félagar í lögmannafélaginu eru nú 1002, það hefur orðið aukning um 89 prósent síðan árið 2000.

Og það er stöðugt verið að útskrifa lögfræðinga, nú koma þeir úr heilum fjórum skólum. Segir að á Íslandi séu mun fleiri lögfræðingar á haus en á hinum Norðurlöndunum. Líklega verða þeir orðnir mörg þúsund innan tíðar.

Þetta er áhyggjuefni, ekki bara fyrir lögfræðingana, heldur líka fyrir fólki sem verður fyrir barðinu á þeim.

En nú eru auðvitað til ýmsar tegundir af lögmönnum. Áhyggjurnar vegna gæðarýrnunar eru þó líklega ástæðulausar.

Það er vitað að gamli lagaskólinn sem starfaði innan veggja Háskóla Íslands var lélegur. Þar skorti mikið á akademíska hugsun og vinnubrögð. Það er ekki fyrr en á síðari árum að slíkt hefur rutt sér rúms innan lagadeildar Háskólans, meðal annars vegna áhrifa erlendis frá. Lagadeildin er örugglega betri en hún var í eina tíð.

Það er svo spurning með hinar lagadeildirnar, Bifröst, Háskólann í Reykjavík og Háskólann á Akureyri, en hún getur varla verið verri en er lýst í þessu bréfi sem birtist hér á vefnum fyrir fáum árum.

Getur verið að formaður Lögmannafélagsins óttist lífskjararýrnum lögfræðinga fremur en gæðarýrnun?